Anggrek hirang

?Anggrek hirang
Klasifikasi ilmiah
Karajaan: Plantae Divisi: Magnoliophyta Kelas: Magnoliopsida Ordo: Asparagales Famili: Orchidaceae Upafamili: Epidendroideae Genus: Coelogyne Spesies: C. pandurata
Nama binomial
Coelogyne pandurata

Anggrék Hirang atawa Kersik Luai adalah tanaman matan famili Orchidaceae atawa anggrék-anggrékan. Tananaman ngini tumbuh di Sumatera, Kalimantan, Malaysia, wan Pilipina, nang mana tanaman ngini tamasuk tanaman maskut matan Parupinsi Kalimantan Timur. Tanaman ngini tamasuk tanaman nang dilindungi lawan pamarintah maraga tanaman ngini sudah langka wan jarang ditamui urang. Kambangnya sorang kawa mangaluarakan bau harum pada bulan Marit sampai Juni.^[1][2]

Tanaman ngini baisi sifat épifit atawa barikit di tanaman lain. Rancak tanaman ngini barikit di puhun tuha, di parak pantai, atawa rawa di dataran randah nang tapanas.^[2]

1. ^ Zapino, Tomi; Fitri, Chairi (2022). Kamus Nomenklatur Flora dan Fauna. Jakarta: Bumi Aksara. hlm. 645. ISBN 9786022178521. 
2. ^ ^{a b} Rahmatia, Diah; Pitriana, Pipit (2007). Buku Pengayaan Seri Flora & Fauna: Si Cantik Anggrek. Jakarta: JP Book. hlm. 78. ISBN 9789793487847.